أكد مرتضى منصور رئيس مجلس إدارة نادي الزمالك أن الفريق الأول لكرة القدم بناديه لن يخوض منافسات نسخة جديدة من بطولة كأس مصر، إلا بعد استكمال النسخة الماضية.
وقال مرتضى منصور خلال حديثه عبر قناة الحدث اليوم: "أنا مش هلعب كاس مصر الجديد غير لما أكمل القديم يا حاج، حضرتك جاي بالتعيين أنا جاي بالانتخاب، احنا مش هنهزر يا حاج عامر، يا أستاذ جمال ما احنا كلنا عارفين أنتوا جيتوا ازاي، انتوا جايين بالتعيين".
وأضاف: "هكمل الكاس الأولاني وبعدين كلمني عن الكاس الجديد، ده العقل والمنطق والعدل.. حاج عامر حسين انت وجمال واستاذ حازم الزملكاوي الجميل والاخ محمد ابو الوفا وخالد الدرندلي المحترم والكابتن بركات الزملكاوي، هو حضرتك ازاي عاوز تعمل كاس مصر جديد وانت لسة عندك قديم، يعني ازاي ابدأ ماتش ولسة الشوط التاني مخلصش".
وعند سؤاله في حال رفض طلب الزمالك وإعلان إلغاء الكأس القديم بشكل رسمي؟.. رد مرتضى منصور: "يبقى عامر حسين يلعب مع جمال علام يقعدوا يلعبوا مع بعض، مش هلعب".
وأتم رئيس نادي الزمالك: "خليني في الشخصية الجميلة اللي عاجبة وزير الشباب والرياضة واجهزة الدولة لكن اوعوا ترجعوني للشخصية التانية، في ايديكم تكملوا معايا المشوار وفي ايديكم ارجع بقى مرتضى القديم اللي كان بينيم الكل من المغرب، من فضلكم بأدب واحترام مش هلعب كاس جديدة وانا اصلا عندي كاس قديمة فاضل فيها اربع ماتشات".