وجه أحمد سامي، المدير الفني لسموحة عتابًا لبيتسو موسيماني، المدير الفني للنادي الأهلي، وذلك بعد قيام الأخير بالتواصل مع أحمد رمضان بيكهام، مدافع المارد الأحمر المُعار للفريق السكندري.
وقال سامي في تصريحات عبر قناة أون تايم سبورتس: " (زعلان بسبب مكالمة موسيماني لبيكهام ؟) بيتسو مدرب كبير له اسمه، وبيكهام هو لاعب الأهلي، وعلاقتنا بإدارة الأهلي فوق الوصف".
وأضاف: "إدارة الأهلي ناس محترمة جدًا، وعندما نطلب منهم لاعبًا يكونون متعاونين معنا بنسبة كبيرة، وهم أيضًا متأكدين أن اللاعب عندما يأتي لسموحة، يعود لهم متطور، وله قيمة مُضافة، وهذا شيء أهم من الأموال بالنسبة للأندية الكبيرة، ونحن في سموحة نسطتيه عمل قيمة مضافة للاعب ونجعله يعود أفضل".
وتابع سامي:" (مكالمة موسيماني مزعلاني ؟ لا لا مفيش مشكلة، اللاعب بتاع الأهلي، لا لا مش زعلان ولا حاجة، ده وارد لإنه لاعب الأهلي ووارد يكلمه لو محتاجه) ".
وواصل:" (كان مهم جدًا إني أوضح إن حصل مكالمة من مدرب الأهلي للاعب في سموحة، لكن أنا مش زعلان، اللاعب يؤدي بشكل جيد) ".
وأكمل:" (عاوز اعدي النقطة دي ؟ آه، إدارة الاهلي بحترمها أوي لأنهم ناس بتفهم أوي، كل مدرب له عذره، وممكن تحصل مرة، ودي حاجة مش هنقف عندها كتير) ".
وأتم سامي تصريحاته قائلًا:" (اللي جوايا إني عاوز أقول لموسيماني خلي الكلام معايا أو مع ادارة الاهلي ؟ اه طبعًا، ده مليون في المية، النادي الأهلي لو اتكلم بشكل رسمي ماشي، لكن مفيش حاجة حصلت، إدارة الأهلي مبعتتش حاجة) ".
طالع أيضًا..
موسيماني يتواصل مع بيكهام لبحث عودته إلى الأهلي