تداولت عدد من وسائل التواصل الاجتماعي عصر اليوم الأحد تصريحات أدلى بها أمير توفيق مدير التعاقدات بالنادي الأهلي عن التفاوض مع لاعب ينتهي عقده في نهاية الموسم الحالي.

وحرف البعض تصريحات أمير توفيق التي قالها في تصريحات إذاعية عبر راديو ميجا إف إم مع إبراهيم فايق والتي تحدث فيها عن سياسة النادي في التعاقدات خلال الفترة الحالية في انتقالات يناير الحالية والصيف القادمة.

وقال أمير توفيق "طبيعي جدا ان في الاسكوناتج بتاع النادي الأهلي بنشوف كل المراكز الي ممكن تفيدنا في الفريق، وبعد ما ناخد الموافقة الفنية من اللجنة نشوف الموضوع ماديا عامل ازاي".

وتابع "بنشوف هل مثلا هو لاعب فري ممكن مناسب يجي عندنا ولا لاعب بيلعب في نادي تاني نتفاوض مع ناديه".

وأضاف "مثلا لو في لاعب فري دلوقتي وعقده هيخلص في شهر 6 الجاي نقدر نتكلم معاه من دلوقتي قانونيًا، في لعيبة كتير دلوقتي لو اتكلمت معاهم مفيش مشكلة قانونية ف بتفكر تتكلم معاهم وتبدا تشوف لو في موافقة من اللجنة الفنية".

وواصل "مفيش حاجة اسمها اتجاه انك تشوف وتتعاقد مع لعيبة فري فقط، هو خيار متاح، تشوف في السوق المحلي او الاجنبي الناس الي تناسبك سواء كان فري او لا وتبدا تتفاوض لو في موافقة فنية".