انفجر أحمد حسن كوكا مهاجم منتخب مصر والمحترف ضمن صفوف فريق قونيا سبور التركي في وجه أحمد حسام ميدو لاعب نادي الزمالك السابق.
وكتب أحد المغردين على موقع التواصل الاجتماعي تويتر " في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه ال٩٩ في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة .. كل التحية لمسيرته".
ورد ميدو من خلال حسابه الشخصي على تويتر على هذه التغريدة قائلًا " مهاجم متواضع لا يصلح للمستوى الدولي حتى ولو احرز ١٠٠٠ هدف".
لينفجر بعدها كوكا ويرد على ميدو من خلال حسابه على تويتر: " مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه، ثالثا لو رقم الاهداف الي انا جايبه شايفه قليل ماجبتوش انت ليه؟، مع ان الي بيلعب في نادي اكبر فرصه بتكون اكتر في التسجيل، رابعا حاولت تبقي مدرب و مبتكملش شهر في اي نادي".
وأضاف كوكا "انا عارف ان اكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه".
وأتم أحمد حسن حديثه الموجه لميدو " خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني".
