فجر جهاد جريشة الحكم الدولي السابق مفاجأة من العيار الثقيل عندما أكد أنه تم تزوير صوت الخبير الدولي جمال الشريف بشأن حديثه في واقعة مباراة سيراميكا كليوباترا والزمالك.
وطالب نادي سيراميكا كليوباترا بالحصول على ركلة جزاء في مباراة الزمالك التي فاز فيها الأبيض بهدف نظيف وسط تأكيدات من خبراء التحكيم بأحقية النادي في الحصول على خطأ.
وقال جريشة في تصريحات تلفزيونية أمس عبر برنامج بوك تو بوكس "مفيش حد في المجال مقالش انها مش ضربة جزاء، كلنا شايفين انها خطأ وركلة جزاء".
وتابع "الخبير الأجنبي ده خبير في ايه، محدش شافها وقال مش ضربة جزاء، وبالنسبة لتصريحات جمال الشريف، أنا بأكد انه تم تركيب صوته على اللعبة، محصلش انه قال انها مش ضربة جزاء".
وأضاف "جمال الشريف حي يرزق تقدروا تسالوه، جابوا صوت له في حالة سابقة في بي إن سبورت، انا متاكد مليون في المية انه متكلمش عن الواقعة دي"ز
وواصل جريشة "مكلمتش جمال الشريف، بس الناس تقدر تتصل بيه وتسأله، الي حصل ان حد شغال تبع لجنة الحكام وبيحبها جاب صوت جمال الشريف وحطه على الصورة".
واختتم "تم تزوير صوت جمال الشريف علشان يقنع الناس انها مش ضربة جزاء، لو سمعت الصوت مش هتلاقي كلمة سيراميكا ولا زمالك مثلا، الي عمل الموقف ده حكم درجة تالتة على الفيس بوك جاب صوت جمال الشريف وحطها على اللقطة ونشرها، معرفش عصام عبد الفتاح له دخل في الموضوع ده ولا لا، انا بحكي الي انا عارفه ومتأكد منه".