أكد مرتضى منصور، رئيس مجلس إدارة الزمالك أنه لن يستجب لاستفزازات الفرنسي باتريس كارتيرون، المدير الفني للفريق الأول بالنادي، معلنًا في الوقت نفسه رحيل فاروق جعفر عن النادي.

وقال مرتضى في تصريحات بالإذاعة الداخلية في الزمالك:" (كل اللي بيكلموني على فاروق جعفر. أنا بطلب منه، انت رمز من رموز النادي بس خلاص بره النادي) ".

وأضاف العائد لمنصب رئيس مجلس إدارة الزمالك بعد غياب حوالي عام:" (إحنا صحاب وأصدقاء بس بره النادي، نروح نتعشى مع بعض، لكن دورك جوا النادي انتهى خلاص. بشكرك جدًا انت والمجموعة اللي معاك) ".

وعن المدير الفني للزمالك، قال مرتضى:" (كارتيرون قاعد وباقي وأعصابي حديد وباردة ولن استجيب لاستفزازاته، وهيرجع هيلاقي مرتبه موجود، أنا لا أفسخ عقدي مع كارتيرون زي ما مكنتش فسخته قبل كده) ".

وتابع:" (قرار.. فيه مدرب عام خلاص اخترناه ومدرب مساعد معاه.. كارتيرون شاف امبارح كأس العرب، مفيش حتى مدرب عالمي واقف لوحده، كل واحد معاه اتنين بيكلمهم) ".

وأتم:" (محدش هيبقى سيد قرار مجلس الإدارة. المجلس هو سيد قراره، احنا اخترنا اتنين محترمين، هو هييجي النهاردة او بكرة هنقوله اخترنالك دول، هيقول لأ مش عاوزهم طب عاوز مين يابابا ؟ بس هو لو عرف الاتنين هيرحب بيهم لانهم محترمين) ".