أكد جهاد جريشة، الحكم الدولي السابق واقعة اتهام عصام عبد الفتاح، رئيس لجنة الحكام باتحاد الكرة المصري حاليًا للحكام بإفساد بطولة الدوري العام التي تُوج بها الزمالك مؤخرًا.

وقال جريشة في تصريحات عبر قناة أون تايم سبورتس :" (عصام عبد الفتاح كان طلع تصريح ليه في السوشيال ميديا وانا استغربت التصريح، هو كان في معسكر في تونس وطلع كلام في الصحافة الاماراتية) إن هو قال كلام كله تخبيط في التحكيم المصري) ".

وأضاف :" (عصام عبد الفتاح نفى الكلام ده، وأنا مع انه ينفي الكلام، قال إن الدوري ذهب لمن لا يستحقه، هو نفى ده، والكلام ده كان في معسكر نخبة بالاتحاد التونسي) ".

وتابع :" (التوانسة كلهم حبايبنا وكلهم حكام زمايلنا، مفيش صحفي بيدخل جوا المعسكر، فأنا كلمت حد من الحكام الموجودين في المعسكر، سألته على الواقعة دي، الحوار اتقال إن الحكام التوانسة بيقولوا عاوزين نطبق الـ VARفي تونس زي ما حكام مصر بيطبقوه، فقال لهم عصام عبد الفتاح VARايه اللي في مصر؟ ده الحكام المصريين خربوا الدوري المصري) ".

وأكمل :"الكلام اتقال جوا المحاضرة ولكن حكم غير أمين موجود هو اللي خرّج الجملة دي للصحافة، أنا ألوم على عصام عبد الفتاح لأن حكام مصر مينفعش يتقال عليهم أي حاجة. انت واحد مننا.. ولو الحكم اللي قالي ده كاذب هبلغ اسمه للاتحاد الافريقي يشطبوه) ".

طالع أيضًا..

رئيس لجنة الحكام السابق: الدوري ذهب لمن لا يستحقه نتيجة أخطاء الحكام والفار