نفى سيد عبد الحفيظ مدير الكرة بالنادي الاهلي وجود أي عروض رسمية لأي لاعب من النادي الأهلي حتى الآن.وقال عبد الحفيظ في تصريحات لقناة الأهلي صباح اليوم الجمعة "قالوا ان اليو ديانج هيمشي، دي حاجة حلوة ان يجيلك عروض للعيبتك ومينفعش تتكسف انك تقول ان في عرض".وتابع "لكن فعلا مفيش عروض لديانج، لو في عروض بنتناقش مع لمدير الفني ونعرف موقفه، كهربا برضه اتقال انه هيمشي وده مش صح".وواصل "محمد مجدي أفشة هو الآخر مفيش حاجة رسمي له، لو في حاجة حلوة تليق بمكانة واسم النادي وهتليق باللاعب هنعلن لو في موافقة فنية مش هنخبي".وأضاف عبد الحفيظ "لا توجد عروض رسمية لأي لاعب في الأهلي واذا تلقينا عروض سنعلن عنها بالتأكيد".