فتح مدحت العدل المرشح لرئاسة نادي الزمالك النار على لاعبي الفريق عقب الخسارة من الأهلي بهدفين مقابل هدف أمس بالدوري المصري.وقال العدل في تصريحات عبر إذاعة أون سبورت اليوم الاثنين "قلة ادب الي حصل، بيلعبوا برعونة ومش رجولة، عندكوا عقدة نفسية من الأهلي ولا ايه".وتابع "بتلاعب فرقة انت اعلى منها مهاريًا، ايه الي بيعمله كارتيرون ده هو انت بتلاعب بايرن ميونيخ، الي حصل حاجة تجنن، مدرب جبان والي جمبه بيعملوا ايه".وأضاف "حاجة تحرق الدم وتقرف، متقعدش تقولي أصل الإدارة، مال الإدارة بمحمود علاء الي يشوطها برعونة بالشكل ده، كورة ترجعك الماتش مش عارف تلعبنا".وواصل العدل "فرجاني ساسي ايه الي ياخد 2 مليون يورو، عملنا ايه في المباريات المهمة فرجاني ده، هو انا جايب فريق بملايين علشان يطلعوا التاني في الدوري، دي لعيبة أصغر واقل قيمة من تي شيرت الزمالك".