تحدث المطرب الشعبي سعد الصغير عن السيناريست مدحت العدل الذي اخذ اتجاهًا خلال الفترة الماضية للهجوم على النادي الأهلي عبر وسائل التواصل الاجتماعي.

وقال سعد في تصريحات لبرنامج شيخ الحارة والجريئة أمس الخميس "انا زعلت من مدحت العدل لما قال عليا مطرب الحمار علشان هو دكتور وفاهم في السيناريست وعارف ان ده موقف في الفيلم إني غنيت للحمار، ازاي يشبهني بإني مطرب الحمار".

وتابع "هقول حاجة بس محدش يقطعها من الحلقة، أستاذ مدحت العدل معروف على الساحة الفنية بقاله سنين، لكن الجمهور عرفه لما طلع أتكلم عن الزمالك وفجأة بقى يقطع في الأهلي".

وأضاف " مكنش حد عارفه فجأة بقى يقطع في الأهلي، اهلي ايه الي تقطع فيه يا عم، الله يرحمه أستاذ سامي العدل هو الي كان زملكاوي وبيتكلم عن الزمالك".

وواصل سعد "الزمالك عنده مشكلة دلوقتي وبيحاول يجدد لفرجاني ساسي، مش أستاذ مدحت معاه فلوس؟ طالع بيقول عاوزين نبيع تي شيرت الزمالك علشان نلم فلوس ونجددله، انت مش كنت عاوز تنزل انتخابات مجلس إدارة الزمالك، ما تتبرع يا عم".

وأردف "ما تتبرع بـ 100 الف ولا 10 الاف حتى، انا لو الأهلي قالي اتبرع اقسم بالله ما هتردد، بس عمر الأهلي ما يبقى عنده ظروف عندنا إدارة وحلوين قوي قوي وطعمين قوي قوي".