تحدث المستشار عادل الشوربجي رئيس لجنة الاستئناف بالاتحاد المصري لكرة القدم أن عقوبة الإيقاف الموقعة على لاعبي الزمالك من فريق الناشئين بما فيهم امام عاشور مستمرة رغم الاستئناف.
وقال الشوربجي في تصريحات تلفزيونية أمس الأربعاء عبر صدى البلد "بعد أي لجنة في الاتحاد بتصدر قرارات، من حق المتضرر التظلم ضد أي قرار يصدر في حقه أمامنا".
وتابع "هناك مهلة لمدة 10 أيام على الأكثر لتقديم التظلم، مقدرش أشوف أي ملف أو أي حاجة غير لما تعدي 10 أيام من صدور القرار لان ممكن حد يتظلم في اخر يوم".
وواصل "في اللجنة مش بننظر لاسم نادي او اسم لاعب، بننظر فقط للمخالفة الي وقعت وحجمها والعقاب المناسب ليها".
وأضاف الشوربجي "اللاعب الموقوف يستمر إيقافه بالتأكيد، الموقوف اتوقف علشان هو عمل حاجة اكيد غلط، ف لما يتوقف 10 أيام دي مش مدة كبيرة".
وأختتم "لو لاعب أخطا ونزلته تاني ماتش لحين النظر في الاستئناف هيبقى استفزاز للجمهور المنافس أو الحكم أو الشخص المخطئ في حقه، الي ممكن يتوقف هي الغرامات المادية لحين النظر في الاستئناف".