هاجم أحمد حسام ميدو، قائد الزمالك ومديره الفني السابق الإعلاميين بقناة الأبيض بعد هجومهم على لاعبي الفريق إثر التعادل مع وادي دجلة، مُشيرًا أن أمثاله "قليلون" في مصر.
وقال ميدو في تصريحات عبر برنامجه على شاشة النهار :"(يطلع واحد يقولك اصل اللي بيتكلم مشي من الزمالك وهرب وهو صغير، هرب من ناديه في ايه ؟ انت بتقول اي كلام ؟)".
وأضاف :"(أنا راجل طلعت احترفت بره وأنا معنديش عقد مع الزمالك، وأكتر لاعب في تاريخ النادي أدر على النادي بفلوس، ولما جالي أول فرصة أرجع فيها نادي الزمالك مرة واتنين وأنا بلعب في أحسن اندية العالم رجعت لعبت في الزمالك ببلاش".
وواصل ميدو حديثه الإنفعالي و"المُبهم" دون توجيهه لشخص معين، قائلًا :"إفهم متقولش أي كلام، المُعدين بتوعك أو العيال اللي بتسخنك.. خليك كبير)".
وأكمل :"بتقولوا هو عضو في مجلس ادارة نادي زد، أه بشتغل.. أنا راجل مستشار، لعبت في افضل اندية العالم، وراجل واخد احسن دراسات في الكورة في العالم)".
وتابع :"(لما ييجي مستثمرين مبيفهموش في الكورة مبيعرفوش في الكورة عايزين يستثمروا في الكورة أه لازم يستعينوا بيا ويستشروني، لان الناس اللي زي في مصر ناس قليلة جدا)".
وعن عمله كإعلامي محايد كما يتهمه الإعلاميين في نادي الزمالك، اختتم ميدو حديثه قائلًا :"لا يعيبني أن أكون إعلاميًا لكل الأندية.. (ده شيء يشرفني)".