فتح الإعلامي احمد شوبير النار على إدارة نادي الزمالك السابقة برئاسة مرتضى منصور بسبب تأخرهم في حسم عدد من الملفات على رأسها تأخر المستحقات وتجديد عقود بعض اللاعبين.

وقال شوبير من خلال برنامجه التلفزيوني ملعب أون تايم أمس الجمعة "الناس كلها عارفة ان فرجاني ساسي عقده هيخلص، متكلمتش ليه معاه من شهرين ولا تلاتة ولا أربعة، فرجاني لاعب مهم ولازم تتكلم معاه قبل نهاية عقده بسنة".

وتابع "المستحقات المتأخرة لفرجاني ساسي لا تقل عن مستحقات 4 أشهر كاملة، نفس الأمر بالنسبة لبنشرقي وأوناجم، ولا دفعت مستحقات ولا عرفت تجدد ليهم ولم تتعاقد الا مع حمزة المثلوثي".

واستكمل شوبير "قعدت تقول هجيب دونجا وعمر جابر ومجبتش حد، الي كان ممكن ينضم هو رجب بكار وحاليًا في سيراميكا كليوباترا، كنتوا بتلعبوا في دماغ مشجعي الزمالك الي ماشية بنفس الأسلوب بتاعكم، لكن انتم معملتوش حاجة خالص".

وواصل" الإدارة الجديدة جت بتفتح الملف لقت مستحقات متأخرة ومفيش تجديد، وانت طلعت تقول ان شيكابالا ضرب عبد الحليم علي، شيكابالا حط صورته مع عبد الحليم ومع ذلك الجمهور مش مصدق".

وأختتم شوبير تصريحاته "قلت انا عامل نادي جنة في فرع أكتوبر، واصلًا مفيش طوبة محطوطة هناك وحجر الأساس اتسرق".