روى عصام الحضري حارس مرمى منتخب مصر السابق موقف تعرض له مع شريف إكرامي على هامش بطولة كأس الأمم الافريقية بالجابون 2017 تسببت في فطور العلاقة بينهما.
وقال الحضري خلال حواره لقناة أون تايم سبورت أمس الأحد " في مرة بنتمرن في الجابون والجو كان حار وغالبا بحب اتمرن بجاكت مطر وكذلك اكرامي، والشناوي كان يستعد للسفر إلى مصر بعد اصابته وتأكد غيابته عن البطولة".
وأضاف " لأجل الحظ جاكت شريف جه عندي في أوضتي وعبد الله عامل غرفة الملابس أخد الجاكت وداه لشريف إكرامي ولكنه رفضه استلامه بعد ما عرف انه كان في أوضتي".
وأستكمل الحضري "بصفتي كابتن المنتخب كان من حقي أطلع ملابس جديدة للاعبين، لما عرفت الي حصل قلت لعبد الله خد جاكت جديد بكيسه ووديه لإكرامي".
وتابع "بعد كدة خلال البطولة إكرامي مكنش بيسلم عليا، المفروض أعمل معاه إيه؟، كابتن احمد ناجي كان عنده علم بكل شيء بيحصل، معرفش هو أتكلم معاه ولا لا".
وأضاف "احنا في مصر بنحب نبص للحاجة الي بتعمل اثارة ومشكلة، اكرامي صاحبي وكان أول واحد بيجري عليا لما بنكسب الماتشات في بطولة أمم إفريقيا، كل حراس المرمى صحابي ولكن برة الملعب مش جوة، جوة الملعب مفيش عاطفة".
واختتم عصام الحضري تصريحاته "انا كنت اول واحد في اوضة اللبس عند اكرامي وعند الشناوي لما اتصابوا، لكن هم عندهم تخيل اني بعمل أعمال علشان يتصابوا، كانت قناعتهم كدة عني".