تحدث جمال عبد الحميد اللاعب السابق لمنتخب مصر في فترة التسعينات عن جيل 90 لمنتخب مصر مؤكدا أن هذا الجيل ليس مجدي عبد الغني فقط.
وذكر عبد الحميد في تصريحات لقناة "النيل للرياضة" جميع اللاعبين الذين لعبوا في صفوف المنتخب المصري في مونديال 90، وأكد "مجدي عبد الغني ملعبش لوحده، افتح البوتوجاز الاقي مجدي عبد الغني، افتح التلاجة الاقي مجدي عبد الغني، أنا زهقت".
وتابع لاعب الزمالك السابق "مينفعش مجدي عبد الغني يبقى بياخد كل حاجة وبيطلع في كل مكان وجيل 90 كله قاعد في البيت، شركات الإعلان منتجاتكوا مش بتتباع علشان الناس زهقت من مجدي عبد الغني".
وأكمل عبد الحميد "الناس نسيت جيل منتخب مصر اللي راح كاس عالم كله وحصرته في مجدي عبد الغني علشان هو اللي جاب الجول في هولندا بالرغم من وجود لاعبين مهمين في المنتخب مثل أحمد شوبير وهشام يكن".
وأضاف "ياريتنا ما كنا روحنا كاس عالم ولا فرحنا المصريين وكنا ودينا مجدي عبد الغني لوحده يلعب هناك، ليه كل حاجة مجدي عبد الغني وجيل 90 لا؟".
وأشار جمال عبد الحميد "تم عرض على جيل 90 العمل في أحد المسلسلات التي يتم عرضها في الوقت الحالي في رمضان لكننا رفضنا وأبلغنا المنتجين أن يستعينوا بمجدي عبد الغني".