جه محمد حمدي زكي رسالة لجمهور الأهلي وذلك بعد ان وافق مجلس الادارة على انتقاله لصفوف فريق انبي لمدة 6 شهور على سبيل الاعارة خلال انتقالات يناير.
ووافق حسام البدري على رحيل حمدي زكي خلال انتقالات يناير، حيث لم يشارك اللاعب سوى في مباراة واحدة للفريق وكانت أمام الالومنيوم بكأس مصر.
وقال اللاعب عبر حسابه على موقع إنستاجرام "انا مكنتش هنزل حاجه بس من حق جمهور الاهلي عليا وهما عارفين هما اكتر حاجه حلوه حصلتلي في النادي وكانوا هما سندي الوحيد وصبري دا كان عشانهم بس للصبر حدود انا شايف اني بتظلم للمره التانيه ومتكلمش".
وأضاف اللاعب في رسالته للجمهور " انا ماجرمتش اني قولت عايز امشي عشان العب ودا حقي هو عشان انا مش قابل ابقي موظف زي انتوا مكنتوا بتتكلموا علي لاعيبه كده ابقي بخالف مباديء الاهلي ولما اقول عايز امشي عشان العب ابقي وحش طب ازاي جمهور الاهلي اكبر من كده بكتير و اكيد فاهم الكلام دا كويس جدا ومقدره".
وإختتم اللاعب رسالته قائلُا " انا مقدرش اغلط في ناس بتحبني وبتقدرني خصوصا يكون جمهور الاهلي دا توضيح للناس اللي بتقول اني غلط في النادي والجمهور مش اكتر مش عشان انا غلطان عشان محدش يفهم غلط".