أكد مرتضى منصور، رئيس نادي الزمالك المعزول من منصبه أن إمام عاشور، لاعب ميتييلاند الدنماركي قام بالتوقيع على عقود انتقاله للنادي الأهلي في الأيام الماضية، في حضور عدد من مسئولي القلعة الحمراء.

وقال مرتضى في تصريحات عبر مقطع فيديو في موقع يوتيوب:" (إمام عاشور جه عمل فيلم اشتغالة، بموت في الزمالك، قلبي الزمالك، ومحدش بيكلمني.. كلمناه قولناله النادي مفتوح، ونسيبه قال هجيبه واجي بكرة، قلتله هستناك في البيت) ".

وأضاف:" (بعد ما عمل الفيلم العبيط ده، قال لنسيبه متتكلمش باسمي.. اتاري البيه بقى اللي بيدغدغ مشاعر الجماهير وعامل اشتغالة موقع في الساحل الشمالي في وجود حسام غالي وخالد مرتجي وأمير توفيق) ".

وتابع:" (طب بتلعب على الزمالك ليه كل ده؟ عاوز تهيج جمهور الزمالك عليا أنا، لا يا حبيبي المفروض الجمهور الحقيقي المحترم هيقول عليك خاين، مفيش لاعب هيقعّد رئيس نادي أو يمشيه، ولا بطولة) ".

وواصل:" (الفيلم ده انت عامله ليه؟ انت موقع في الساحل الشمالي، هو ماضي قبل الأفلام دي كلها، انت ليه بتعمل كده؟ انت لعبت 6 ماتشات قبل ما تمشي اتغلبنا فيهم كلهم، وبعد ما مشيت كسبنا كل الماتشات) ".

وأكمل: "أسأل الجمهور، هل يمكن أن أقوم بشرا لاعب بـ 5 مليون دولار؟ سأكون ساذجًا، وهو يطلب الحصول على مليون دولار في الموسم، فهل يصح أن أمنحه 40 مليون جنيه، ولدينا لاعبين يحصلون على 2 و3 مليون، سأدمر الفريق إن فعلت ذلك".

وأتم مرتضى منصور تصريحاته قائلًا:" (زي ما قولتلك قبل كده يا محمود يا خطيب، هديتي ليك كهربا.. هديتي ليك إمام عاشور)، ولدينامباراة أمام الأهلي وهي بطولة خاصة، ولن نحبط لاعبينا بشخص هارب وخائن ووقع للأهلي".